Prince Harry dhe Meghan Markle nuk e kanë në plan që të kthehen në Mbretërinë e Bashkuar për festën e Krishtlindjeve, pavarësisht raporteve se Mbretëresha Elizabeth II mezi pret t’i takojë ata dhe pjesën tjetër të familjes.

Besohet se Duka dhe Dukesha e Sussex-it refuzuan ftesën për të kaluar festat e Krishtlindjeve në pasurinë e saj në Norfolk, sipas traditës brenda familjes. Burime të shumta pohuan se përgatitjet duhet të bëhen më herët, në mënyrë që pallati të dinte nëse ata do të mund të ishin atje, shkruan PageSix, transmeton portal arbresh.info

Fatkeqësisht, ata nuk do të marrin pjesë.

“Ka shumë gjëra që shkojnë në logjistikën dhe planifikimin e Krishtlindjeve familjare, kështu që sigurisht, stafi e di se Harry dhe Meghan nuk do të vijnë,” tha një burim i brendshëm për Page Six.

Burimi shtoi se Princi Harry dhe Meghan Markle “do ta kishin komunikuar atë me familjen e tyre deri tani” nëse do të donin t’i bashkoheshin Mbretëreshës Elizabeth II dhe pjesës tjetër të familjes mbretërore për Krishtlindje në Sandringham.

Page Six shkruan se Mbretëresha Elizabeth II ka shprehur shqetësimin dhe pikëllimin që çifti, i cili tani jeton në Santa Barbara, Kaliforni me dy fëmijët e tyre, nuk do t’i bashkohet familjes mbretërore.

Besohet se ata do të merrnin pjesë në ceremoninë familjare, sidomos këtë vit pasi janë Krishtlindjet e para për Mbretëreshën Elizabeth II pa bashkëshortin e saj, Princin Philip.

Përveç Krishtlindjeve në Sandringham, besohet se Princi Harry dhe Meghan Markle gjithashtu nuk do të marrin pjesë në drekën vjetore të Krishtlindjeve të Madhërisë së Saj për familjen e saj të gjerë. Mbledhja zakonisht mbahet në Pallatin Buckingham. Por për këtë vit, mund të jetë në Kështjellën Ëindsor ku mbretëresha Elizabeth II ka qëndruar ndërsa mjekët po vazhdojnë të kujdesën për shëndetin e saj./arbresh.info/